قلبي اللي طار من صدري تناساني وجاك
........ قال أنا برحل إلى شمعة حياتي بآي .. بآي
قلت يا قلبي كذا ترحل وتتــــــركني وراك !؟
......... قال أنا مقدر أعيش إلا قريبٍ من هــــــــواي
قلت له طيب متى ترجع وكم مدة جــــفاك
......... قال لين أمــــوت ما فارقت يا سالم غـــلاي
إيه شوفي ويش صار ووين وصلني غلاك
......... كيف حبي لك تطور لين جاوز بي مــــــداي
وانتي اللي ما وصلت لحل في وضعي معاك
......... رغم صدك كل ما اقفيتـــــــي اردد لك نداي
آه لو الحب هذا اللي وطا فيني وطـــــــــــاك
......... ما هنا لك عيشةٍ في ها لحــــياة إلا معاي
ما دريتي بان ما به حـــــــــد في دمي سواك
......... وان ما شخصٍ تجنن فيك بالدنيا ســــواي
كن هرجي بالهوى لا جاك ترمينه وراك
.......... يوم أنا حتى جروحي منك ما رميها وراي
صرت كلي أعشقك واعشق معك كثرة خطاك
........... تكرم عيونك إذا يرضيك يا عمري شقاي
بس قولي ليه غير الجرح ما يمكن عطاك
......... في زمانٍ به جزيل الود لك مني عطــــاي
كنت أظن ان جيتي لمواصلك غاية منــاك
........ غير خيبتي معك ظني وخيبتي رجــــــاي
لو نويت اجمع حياتي اليوم وابعد عن سماك
........ كنت بالواقع مفارق منتهاي لمـــــــنتهاي
هيه ياقلبي تراجع لا يضحـــــــي بك وفاك
........ خلني وياك نصرخ للمحبـــــــة بآي .. بآي
